Lavuratori «Traversadas litteraras»
Scriver litteratura na signifitga betg adina dad esser en il flow, d'avair inspiraziun e bunas ideas per formulaziuns concisas. Mintgatant è qua l’idea, ma ins na sa betg co cumenzar. Empè da metter il project en il chaschut duain las scriventas ed ils scrivents vegnir a las proximas «Traversadas litteraras» che han lieu ils 22 da mars en la chasa da cultura Helferei a Turitg. Il lavuratori, che vegn organisà da la Lia Rumantscha e la chasa da la translaziun Looren, porscha exercizis creativs dad Alice Grünfelder – uschia che segir tuttas e tuts vegnan enavos en il flow.
Il suentermezdi vegn realisà ensemen cun l’Ovra Svizra da Lectura per la Giuventetgna. Regula Malin, manadra da l’OSL, e Gianna Olinda Cadonau, manadra da la partiziun Cultura e da las ediziuns da la Lia Rumantscha, discutan davart il publitgar en pliras linguas litteratura per uffants e giuvenils.
Dapli infurmaziuns davart las «Traversadas litteraras» chattais Vus sin www.liarumantscha.ch.
Scriver litteratura na signifitga betg adina dad esser en il flow, d'avair inspiraziun e bunas ideas per formulaziuns concisas. Mintgatant è qua l’idea, ma ins na sa betg co cumenzar. Empè da metter il project en il chaschut duain las scriventas ed ils scrivents vegnir a las proximas «Traversadas litteraras» che han lieu ils 22 da mars en la chasa da cultura Helferei a Turitg. Il lavuratori, che vegn organisà da la Lia Rumantscha e la chasa da la translaziun Looren, porscha exercizis creativs dad Alice Grünfelder – uschia che segir tuttas e tuts vegnan enavos en il flow.
Il suentermezdi vegn realisà ensemen cun l’Ovra Svizra da Lectura per la Giuventetgna. Regula Malin, manadra da l’OSL, e Gianna Olinda Cadonau, manadra da la partiziun Cultura e da las ediziuns da la Lia Rumantscha, discutan davart il publitgar en pliras linguas litteratura per uffants e giuvenils.
Dapli infurmaziuns davart las «Traversadas litteraras» chattais Vus sin www.liarumantscha.ch.
