Igl era ina giada in grond schonglader...

Igl era ina giada in schonglader, renumà sin l’entir mund, che fascheva bunamain miraclas cun sias ballas. In di èsi dentant capità ch’il maister na saveva sez betg pli, tgi che dumogna tgi: el la balla u la balla el?

L'istorgia «Rastelli raquinta...» dal filosof tudestg Walter Benjamin vala sco ina da las pli bellas ovras litteraras or dal mund da la magia. Ella è cumparida en la versiun originala tudestga per l'emprima giada ils 6 da november 1935 sin il frontispizi da la gasetta svizra Neue Zürcher Zeitung. En sia curtadad e cun las collaschas da palpiri plain colurs da l'artista Anna Sommer è l’istorgia adattada perfetgamain per sfunsar en la litteratura mundiala. E davart la finiziun misteriusa vegnan las giuvnas ed ils giuvens segiramain gugent a rumper lur chaus.

L'istorgia envida da reflectar davart la relaziun tranter artists ed artistas e l'ovra d'art ed è adattada tant per giuvenils sco per creschids.

Dapli inspiraziun per cudeschs rumantschs chattais Vus en la butia online da la Lia Rumantscha.