«Casimir»

Tut vi dad el è radund, glisch e brin. Casimir na sa betg sgular, betg chaminar e cunzunt betg siglir. El sa mo ruschnar – ma almain quai sa el far fitg bain. Sia simpla vita sco verm da plievgia na plascha dentant insumma betg al vanitus Casimir. El vuless esser unic e vegnir admirà. Atgnamain vuless el esser insatgi tut auter.

L'istorgia d’emprima lectura, scritta da Heidi Leitz ed illustrada dad Elena S. Pini, raquinta per uffants e cun umor quant impurtant ch'igl è d'acceptar sasez e da betg vulair esser insatgi auter.

Dapli inspiraziun per cudeschs rumantschs datti en la butia online da la Lia Rumantscha.