Plima d’aur / Pledpierla - per poetessas e fabulists

«Fa ün sigl sainza rait sülla prosma lingia!» - per leger las poesias da Leta Semadeni dovr’ins in zichel curaschi, perquai che sias poesias din adina dapli che quai che stat scrit sin il palpiri. La liricra da l’Engiadina na declera betg ses patratgs, mabain exprima ses messadis en maletgs. Sias poesias preschentan in gieu da ritmus e da lingua ed in’avertadad envers l’agen scriver.

Per questas raschuns è Leta Semadeni vegnida undrada avant intgins onns per sia ovra «Tulpen / Tulipanas» cun il Premi da lirica per uffants Josef Guggenmos. L’onn 2023 ha l’autura dastgà retschaiver il Grond premi svizzer da litteratura, l’uschenumnà Grand Prix Literatur.

Per animar e promover giuvnas auturas rumantschas e giuvens auturs rumantschs da crear atgnas ovras unicas, organisescha la Lia Rumantscha la «Plima d’aur / Pledpierla». Questa concurrenza da scriver per poetessas e fabulists ha lieu mintga dus onns. Far part pon uffants, giuvenils e giuvens creschids. Ils temas dals texts, il termin d’inoltraziun ed ulteriuras infurmaziuns davart questa concurrenza chattais vus qua: https://www.liarumantscha.ch/rm/news/plima-daur-pledpierla