«Minca Mau ed igl monster»

In monster nair ed alv fa chatscha sin Minca Mau. La pitschna giatta è tut spussada. Tementada tschertga ella agid tar auters animals. L'erizun Piztgung, la tartaruga Tara, il tais Teias ed auters cumpogns emprovan da gidar ella cun tips co sa defender. Ma nagin da quests cussegls n'è propi adattà per la pitschna giatta. Pir cura che Minca Mau stat visavi al monster, scuvra ella ina vart da sasezza che nagin n'avess spetgà.

Temas fan part da la vita da mintga uffant. Sa confruntar cun quellas dovra curaschi ed è savens l'emprim pass per vegnir pli segir. Quest cudesch da maletgs, creà da l'autura ed illustratura Doris Lecher, mussa als uffants ch'els pon far frunt a lur temas, precis sco Minca Mau.

Dapli inspiraziun per cudeschs rumantschs datti en la butia online da la Lia Rumantscha.