«Max ed ils spérts»
Ils geniturs da Max mainan ina fatschenta tut speziala: in tren da fantoms! Ma quests fantoms na fan para betg avunda sgarschur. La glieud ha pers l’interess e la fatschenta è periclitada. Ma qua ha Max in'idea: I dovra vairs fantoms! Uschia sa metta il mat aventurus a la tschertga ed entaupa ina stria, in um senza chau e bleras autras figuras inquietantas, ma prontas da gidar. Pon els salvar il tren da fantoms?
In'istorgia da sgarschur captivanta da Hannes Nüsseler, translatada da Leo Tuor e raquintada en frasas curtas e cun scrittira gronda: ideal per uffants ch’emprendan da leger. E cun ils maletgs furmiclers pon ils uffants adina puspè scuvrir novs detagls.
Dapli inspiraziun per cudeschs rumantschs datti en la butia online da la Lia Rumantscha.
Ils geniturs da Max mainan ina fatschenta tut speziala: in tren da fantoms! Ma quests fantoms na fan para betg avunda sgarschur. La glieud ha pers l’interess e la fatschenta è periclitada. Ma qua ha Max in'idea: I dovra vairs fantoms! Uschia sa metta il mat aventurus a la tschertga ed entaupa ina stria, in um senza chau e bleras autras figuras inquietantas, ma prontas da gidar. Pon els salvar il tren da fantoms?
In'istorgia da sgarschur captivanta da Hannes Nüsseler, translatada da Leo Tuor e raquintada en frasas curtas e cun scrittira gronda: ideal per uffants ch’emprendan da leger. E cun ils maletgs furmiclers pon ils uffants adina puspè scuvrir novs detagls.
Dapli inspiraziun per cudeschs rumantschs datti en la butia online da la Lia Rumantscha.
