Istorgia da Pasca: Moppel, il leivrin

I na va betg pli ditg fin Pasca. Co fissi cun ina lectura d’OSL adattada sper ils ovs e la tschigulatta en il gnieu da Pasca?

Las 14 istorgias curtas raquintan co che la pitschna lieur Moppel crescha si tar sia mamma, cumenza a bandunar il gnieu, chatta amias ed amis e fa bellas e main bellas experientschas. Las illustraziuns dals animals dad Anna Luchs èn per part seriusas, mintgatant commuventantas e magari plain fantasia. Ellas visualiseschan perfetgamain las grondas dumondas che vegnan fatgas cun mirveglias uffantilas.

Ils texts curts e las numerusas illustraziuns fan or da quest classicher modern l’istorgia da Pasca ideala. Il cudesch è er adattà per preleger ad uffants pli pitschens.

Dapli inspiraziun per cudeschs en connex cun Pasca e la primavaira chattais Vus en nossa butia online.